चेपाङ संरक्षण केन्द्रलाई आर्थिक सहयोग

रत्ननगर–१० मंगलपुरमा रहेको गामवेसीको चेपाङ संरक्षण केन्द्रलाई मध्यपसर्व उपसंयोजक पुर्ण केसीको अग्रसरतामा कतारबाट दुई लाख १२ हजार आर्थिक सहयोग संकलन गरी पठाइएकोछ ।
एनआरएन च्यारेटी फण्ड मार्फत पठाइएको सो रकम केन्द्रको कम्पाउण्ड सहितको सात कोठे भवन निर्माण गर्दा लागेको ऋण तिर्न खर्च गरिने केन्द्रका अध्यक्ष केपिकिरण शर्माले जानकारी दिनुभयो । केन्द्रको भवन निर्माण गर्दा २८ लाख ५० हजार रकम खर्च भएको थियो । केन्द्रमा चितवन र मकवानपुरका ७७ जना विपन्न चेपाङ विद्यार्थी आश्रित छन ।