Global News
एनआरएन विश्व गतिविधि
एनआरएनका उपाध्यक्ष भट्टद्वारा ५० लाख सहयोग घोषणा
काठमाडौं । गैरआवासीय नेपाली संघ अन्तर्राष्ट्रिय समन्वय परिषद्का उपाध्यक्ष तथा टिबिआई समूहका अध्यक्ष (जापान निवासी) भवन भट्टले विद्यालयको लागि ५० लाख सहयोगको घोषणा गरेका छन् ।
भट्टले बाल्यकालमा आफू अध्ययनरत गोरखाको श्री शिद्धकाली उमाविलाई ५० लाख सहयोग गर्ने घोषणा गरेका हुन् ।
शिद्धकाली उमाविको ५३ औं बार्षिकोत्सब समारोहमा बिशिष्ट अतिथिको रुपमा पुगेका भट्टले उक्त घोषणा गरेका हुन् ।
नेपालको भविष्य आजका बालबालिकाको हातमा रहेको बताउदै उनले स्तरीय शिक्षाको लागि विद्यालयको आवश्यकता र योजना पुरागर्न सहयोग रकम उपलब्ध गराएका हुन् ।
समाजसेवाको लागि भट्टले “एक दिन–एक दान” अभियान अन्तर्गत प्रत्येक दिन बिभिन्न दान गर्दै आएको एनआरएन जापानद्वारा जारी गरिएको विज्ञप्तीमा जनाइएको छ ।
