गैरआवासीय नेपाली संघको पाँचौ मध्यपुर्व भेलाका लागि सहभागी हुन खुल्ला गरिएको अनलाइन फाराम दर्ता सीमा समय आज राति १२ बजेबाट समाप्त भएको छ ।

सो बारेमा गैर आवासीय नेपाली संघ राष्ट्रिय समन्वय परिषद कतारका अनलाइन दर्ता सम्बन्धी प्रकृयाका संयोजक हंशराज ढकालले आज रातिबाट समाप्त भएको कुरा बताएका हुन् । अनलाईन दर्ता प्रकृया बन्द भएपनि अनलाईन मार्फत नै फाराम भरी सक्नुभएका पार्षद सदस्यहरुलाई दर्ता फाराम बापत एनआरएनएले तय गरेको रकम यहि आउँदो सोमवार राति सम्म बुझाउन सम्पुर्ण पार्षद सदस्यलाई आव्हान गरेको छ ।

यहि आउँदो जुलाई २१ र २२ तारिख दुई दिन सम्म कतारमा गैर आवासीय नेपाली संघ कतारले मध्यपुर्व भेला आयोजना गर्न लागेको हो । एसिया प्रशान्त, यूरोप संघीय तथा खाडी राष्ट्रका विभिन्न मुलुकबाट ५० भन्दा माथिको हाराहारीमा उपस्थित रहने सो कार्यक्रममा बैदेशिक रोजगारमा सुरक्षा र अनुशाशन, महिला सेसन, अरब मुलुकमा पर्यटन र संस्कृति प्रबर्धन, मध्यपुर्वका साझा मुद्यामा खुल्ला बहस लगायत लगायत सांस्कृतिक कार्यक्रम पनि रहेको पत्रमा उल्लेख गरिएको छ ।

यस सम्बन्धी थप जानकारीहरु 

रवि रोषी
गल्फ मिडिया को अर्डिनेटर